Transcription
1
Monseigneur, je receu hier le pacquet que je vous envoie
2
de la part de monsieur d’Evènes. Il mescript navoir receu
3
de mes lettres puis quil est parti dissi. Neantmoings, ie luy
4
ay amplement escript par la voie de monsieur du Chastellard
5
estant en cour pour les affaires de Daulphiné, ainsi quil mavoit
6
chargé pour mémoire. Ie luy ay presentement faict une
7
recharge mesmes surce quil differoit parler à monsieur de
8
Senesran jusques à ce quil eust de mes lettres. Jay presentement
9
receu voz lettres du jour dhier et rendu celle quescrivés à
10
madamoiselle d’Abbeau avec laquelle jay discouru sur le faict duquel
11
vous mescrivés. Il semble quelle y a une singulière affection
12
et ma dict que dans dimenche prochain, elle espère avoir
13
responce de ma dame la comtesse de Grignan sur la depesche
14
quelle se preparoit luy faire. Monsieur mon gouverneur a
15
eu a singulier deplaisir quon luy a mandé se garder estre cassé et
16
a trouvé fort estrange que monsieur de Maugiron soit passé
17
de plain jour par les postes sans le veoir. On a aussi cassé
18
cinquante hommes de notre citadelle. On faict issi bruit de la
19
maladie de monseigneur de Savoie et se dict que les medecins
20
en augurent fort mal.
21
Monseigneur, vous presentant mes humbles recommandations, ie supplie le
22
Createur vous donner en sainté heureuse vie. De Lyon, le premier
23
février.
24
Monsieur de St Sulpice est allé à La Rochelle
25
pour entendre que lentreprinse sur icelle
26
nestoit de la volunté , sceu, ne commandement
27
de sa magesté et quelle entend que les
28
complices soient chastiés.
29
Votre très humble et oubeissant
30
Serviteur
31
De langes